البلد : 
نقاط : 200520
تاريخ التسجيل : 01/01/1970
 | موضوع: من قصيدة أنساك يا سلام لـ مأمون الشناوي  الأربعاء يوليو 02, 2008 11:07 am | |
|
من قصيدة أنساك يا سلام لـ مأمون الشناوي
أنساك..! ده كلام..؟ أنساك..! يا سلام..!
أهو ده اللى مش ممكن أبداً. ولا أفكر فيه أبداً
ده مستحيل قلبي يميل ويحب يوم غيرك أبدأ
أهوده اللى مش ممكن أبدأ
***
ولا ليله ولا يوم.. أنا دقت النوم ..أيام بعدك.
كان قلبك فين؟..وحنانك فين؟.. كان فين قلبك؟
أنا أنسى جفاك وعذابي معاك ما أنساش حبك
أنساك ده كلام انساك يا سلام
واحب تاني ليه وأعمل فى حبك إيه
ده مستحيل قلبي يميل ويحب يوم غيرك أبداً
أهو ده اللى مش ممكن أبداً
***
ذكريات حبي وحبك ما انساهاش هى أيامى اللّى قلبى فيها عاش
فيها أحلام قلتها وحققتها لى فيها أحلام لسه أنا ما قلتهاش
اللى فات من عمري كان لك من زمان
واللى باقي منه جاى لك له أوان
وأحب تاني ليه وأعمل فى حبك إيه
ده مستحيل قلبي يميل ويحب يوم غيرك أبداً
أهو ده اللى مش ممكن أبداً
***
كان لك معايا اجمل حكاية فى العمر كله
سنين بحالها ..ما فات جمالها..على حب قبله
سنين ومرت زي الثوانى فى حبك انت
وإن كنت أقدر أحب تاني أحبك انت
كل العواطف الحلوة بينا كانت معانا حتى في خصامنا
وإزاى تقول أنساك وأتحول وأنا حبي لك أكتر من الأول
واحب تاني ليه وأعمل فى حبك إيه
ده مستحيل قلبي يميل ويحب يوم غيرك أبداً
أهو ده اللي مش ممكن أبداً
منقول | |
|
