ودي أضمك حبيبي

البلد : نقاط : 200490 تاريخ التسجيل : 01/01/1970

ودي اضـم ايديـك واقبـل ايديـك
وأفرش لك ذراعي مخـده لنومـك

وان قمت من نومك وعيني تراعيك
سولف عن احلامك وعطني علومك

استأذنـك لحظـه دقايـق بخليـك
بروح ابشر عالمـي فـي قدومـك

قي غيبتك احلم اشوفـك واحاكيـك
سمتني الدنيـا بعـدك أمحرومـك

يامـا تخيلتـك بدربـي واناديـك
اقول : وشفيهـا تـردت عزومـك

لك وقت متغير على قلـب مغليـك
ماكنه الـي شـال عنـك همومـك

ابيع من عمري على الناس واشريك
لو باعتك دنياك مارخصت سومـك

ماهو على شانك على شان ماضيك
مهما تسوي اعـذرك مـا الومـك

هذا خيالي كـل مـا مـر طاريـك
والا الحقيقه عايش ارجي غيومـك

اضحك على نفسي اذا قلت مابيـك
انت القمر والناس هـذي نجومـك

حببتني في كـل حاجـه حواليـك
مانيب من قومك واحامـي لقومـك

منقول