البلد : 
نقاط : 200510
تاريخ التسجيل : 01/01/1970
 | موضوع: ليلة رومانسية على الطريقة الفلسطينية  الجمعة أكتوبر 30, 2009 10:55 am | |
|
ليلة رومانسية على الطريقة الفلسطينية
خلف و شفيقة
خلف: ولك يا كردة شكلك ناسية انو مثل هاظ اليوم كبل سنتين كان اول مرة بشوف سحنـتك وبنحب بعظ, يعدمني جدوقك(خدودك) شو ناسية؟!
شفيقة: والله جد ولك تفو عليك شو بحبك , بعدك متذكر يا مكلعط؟
خلف : هووووه , هو الي بشوف هالشكل الي بكطع الرزكة بنساه؟
شفيقة: هاهاهاهاهاهاهاها يلعن ابو حرمك شو حكياتك حلوين وهاظ الي معلكني فيك , تتذكر اول مرة تلكينا ؟
خلف: هههههههه هو انا بنسى؟ يوم ما حطتلك رجل وانتي ماشية مع امك وكلبتي على بوزك؟
شفيقة: ولك الله يكطعك شو رومانسي , كيف هيك تجرأت واتخذت هاي الخطوة الجريئة؟ جد انا بحب الشب المبادر والكلبو كوي
خلف: يالله عاد هسه بدك تكبري راسي وتظلك تمدحي فيي؟ انتي كمان بزكتي علي يومها تتذكري؟ والله ما بنسى بزكتك وهي بتتدلى على وجهي وبتنزل شوي شوي , يومها عنجد عرفت انك بتحبيني ...
شفيقة: آه والله يا خلوفتي انا ما بزكت عليك الا لأني بحبك.
خلف: يا كلبي انتي
شفيقة: ههههههههههه ما بنساه, يلعن حرمك، لو كنت بحبك مرة صرت أحبك ألف مرة بعد هظاك اليوم, يوم ما اكترحت علي انو نتباطح والي ببطح الثاني 3 مرات هو اللي بنام عالارض والفايز بنام عالتخت .
خلف: يالله يومها شو انبسطت , بس صحيت ثاني يوم مكسره عظامي من النومه عالارض ..
شفيقة: ماهو يا خلف انا بطحتك 5 مرات .
خلف: لا والله بس بطحتيني عالارض 4 مرات , آخر وحدة مش محسوبة.
شفيقة: كيف مش محسوبة بطحتك المرة الخامسة لما دعست على ركبتك، ناسي؟
خلف: هووو هووو علينا ، خلص مو مشكلة يا ستي بطحتيني خمس مرات, هسه ما تظيعي علينا الاحتفال بهاي الليلة الي ما بتتعوظ .
شفيقة: والله معك حك , خلص شو رأيك انا اليوم رح اخليها ليلة رومانسية بشكل.
خلف: شو رح تعملي؟
شفيقة: انت ما عليك بس حظّر الشمع واشعله وسكر الظواو وهسه باجي ..
وما ان اشتعل الشمع الا وخرجت شفيقة من المطبخ حاملة صحن كبييييييير مجدرة, رغرغت عيون خلف وإنغمرت بالدموع فرحاً, حمد ربه ووعد شفيقة بأن يبقى مخلصاً لها
فما كان من شفيقة الا ان طلبت منه بوسه, فلما لفلها خده عضت أذانه فضحك خلف وضحكت شفيقة
وبقيو على الطاولة يأكلون المجدرة لأخر الليل, ويقال انهم الى الان بياكلو بالمجدرة !!!!
| |
|
