القول الجميل .. شط الزيتون

البلد : نقاط : 200490 تاريخ التسجيل : 01/01/1970

القول الجميل .. شط الزيتون

احمد فؤاد نجم

الخط دا خطي
الكلمة دي
ليا
غطى الورق غطى
بالدمع يا عنية
شط الزيتون شطي
والارض عربية
نسايمها انفاسي
وترابها من ناسي
وان رحت انا ناسي
ما تنسانيش هى
والخط دا خطي
والكلمة دى ليا
لاكتب على عينى
يحرم عليكى النوم
واحبس ضيا عينى
بدموعى طول اليوم
قبل الوفا بديني
زي الصلا والصوم
والدين فى عرف الحر
هم ومذلة ومر
وشجون تصون وتجر
احزان مخبية
والخط دى خطي
والكلمة دى ليا
لاكتب على كفي
والحبر من دمي
ياهمتي كفي
يا عزوتى ضمي
اول ما ح نوفي
بالوعدح نسمي
باسم اللى ماتوا صغار
فى المدرسه والدار