وين أسلوبك الراقي ؟

البلد : نقاط : 198450 تاريخ التسجيل : 01/01/1970

بعد المحبه , علامك منت طايقنـي ؟
وانا على خبرك أشواقي هي أشواقي
اسلوبـك اليـوم يقتلنـي ويحرقنـي
سؤال ؟ ابسألك وين اسلوبك الراقي !
حتى كلامك معـي بلحيـل مقلقنـي
والشك في داخلـي ماعـاد ينطاقـي
ان كان قصدك تقول إرحل وفارقني !
برحل ولكن مصيـر الحـي متلاقـي
وان كان قصدك تغلا وانت عاشقني ؟
ابشـرك ماتغيـر شــي بعمـاقـي
وان كنت تمزح ؟ أمانه معك روقنـي
تراي مكسور خاطر وانكسـر ساقـي
بس بصراحه , من الآخر وصدقنـي
صدمتني واستراحت . هقوة الهاقـي
ياليتك تحـس بحسـاس ٍ مضايقنـي
وياليت تقرى كلام ٍ داخـل احداقـي
حلمك منول ! في هالدنيـا تحققنـي
واليوم في بحر غدرك ناوي اغراقي !
والحظ الاقشر يوم إنه فيـك علقنـي
خلاني دايم على شوفتـك مشتاقـي
علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي
كنت احسب إنك اذا جيتـك تعانقنـي
أثريك لا طايق ٍ شوفـي ولا إعناقـي

مما
رآقت لي

» السلوك الراقي
» السلوك الراقي .. سمو وإرتفاع